FLASH
Shkruar nga Pamfleti
Studentët e Mjekësisë nuk ndalen në rezistencën e tyre ndaj ligjit që i detyron ata të punojnë deri në 5 vjet në Shqipëri në përfundim të studimeve, para se të marrin diplomën.
Së fundmi, ata kanë paralajmëruar se do të mblidhet ditën e nesërme më datë 9 Tetor, në orën 9:00, tek “Godina e Kuqe”, për të bojkotuar dhe protestuar sërish.
Ata kërkojnë dialog për të shmangur pengesat që vijnë si pasojë e marrëveshjes së kërkuar nga universiteti. Në bazë të kësaj, ata do ta tërheqin diplomën e studimeve pas një punësimi disavjeçar në sistemin shëndetësor shqiptar.
Studentët e kishin njoftuar bojkotin e mësimit që nga protestat që mbajtën para Kuvendit, teksa shumica miratonte në seancë projektin e ri të qeverisë, që synon të frenojë emigrimin e punonjësve të rinj të mjekësisë.
Ata janë të vendosur që ligjin ta çojnë në Gjykatën Kushtetuese.
Lidhur me këtë ka reaguar edhe ish-kryeministri Sali Berisha, i cili ka bërë thirrje që t’u bashkohen studentët e tjerë, pedagogë dhe gjimnazistë.
“Studentët e mjekësisë vazhdojnë protestën!
Ata do të mblidhen ditën e hënë më datë 9 Tetor, në orën 9:00, tek ‘Godina e Kuqe’, për të bojkotuar dhe protestuar sërish.
U bëj thirrje studentëve, pedagogëve të universiteteve dhe gjimnazistëve, të solidarizohen me kauzën e tyre të drejtë!”, shkruan Berisha.
Lini një Përgjigje