FLASH
Shkruar nga Pamfleti
Në Shqipëri nuk do të vijnë vetëm emigrantët afrikanë nga Italia, por edhe shqiptarët e dënuar përtej Adriatikut për të vuajtur dënimin në atdhe.
Ministri i Drejtësisë Carlo Nordio dhe homologu i tij shqiptar Ulsi Manja në Romë, në selinë e ministrisë në Arenula, arritën marrëveshjen që do të lejojë transferimin e 1950 të burgosurve shqiptarë në burgjet e vendit të tyre të origjinës, shkruajnë media italiane.
“Një marrëveshje” nënvizoi Andrea Ostellari, nënsekretar i Drejtësisë – që do të na lejojë të ulim kostot e mirëmbajtjes dhe të luftojmë mbipopullimin.
Tani – shtoi Osatellari – “mund të fillojë diskutimi me teknikët për të identifikuar zgjidhjet operacionale, të afta për të garantuar që çdo i dënuar të kryejë plotësisht dënimin e tij, pa zbritje, sipas garancive të nevojshme.” tha ai.
Sipas nënsekretarit të Drejtësisë ‘tani mund të fillojë diskutimi me teknikët për të identifikuar zgjidhjet operacionale, të afta për të garantuar që çdo i dënuar të përfundojë dënimin e tij të plotë, pa zbritje, sipas garancive të nevojshme’.
Vetëm në burgun e Lombardisë janë 350, në Veneto 150, ndërsa në Breshia janë 17 të burgosur.
Marrëveshja politike mes Shqipërisë dhe Italisë për transferimin e të burgosurve shqiptar është nënshkruar ndërmjet kryeministrit Edi Rama dhe ish-kryeministrit italian Giuseppe Conte në 2019.
Më 6 nëntor, kryeministri i Shqipërisë, Edi Rama, dhe homologia e tij italiane, Giorgia Meloni, nënshkruan marrëveshje, sipas së cilës, Italia do të dërgojë në Shqipëri emigrantët që shpëton në Detin Mesdhe, ndërsa Italia do të financojë ngritjen e qendrave për pritjen e tyre.
Marrëveshja do të nisë së zbatuari pranverën e vitit të ardhshëm.
Sipas protokollit të publikuar nga Qeveria shqiptare, Italia do të depozitojë 16.5 milionë euro në një llogari të posaçme të Thesarit të Shqipërisë, si paradhënie për strehimin e emigrantëve.
Komisionarja e lartë për të drejtat e njeriut në Këshillin e Evropës, Dunja Mijatoviq, ka deklaruar se marrëveshja e arritur mes Shqipërisë dhe Italisë për emigrantët rrit shqetësimet për të drejtat e njeriut dhe shton shqetësimet për trendin evropian që përgjegjësitë për azilkërkuesit të dalin jashtë kornizës evropiane.
Po ashtu, marrëveshja është kritikuar nga organizata për të drejtat e njeriut, Amnesty International, që e ka quajtur atë si “të jashtëligjshme dhe të pazbatueshme”.
Lini një Përgjigje