FLASH
Shkruar nga Pamfleti
Janë afro 12 mijë padi të regjistruara në vit pranë gjykatave shqiptare për zgjidhje të martesave të çifteve shqiptare.
Avokatja Aurora Marku ka folur lidhur me situatën e divorceve në Shqipëri. Ajo u shpreh se në gjysmën e vitit 2025, numri i divorceve i ka kaluar 7 mijë. Marku shprehet se çiftet nuk kërkojnë më rrugë për të shpëtuar martesën.
“Të them të drejtën vlera ka ardhur në rritje dhe ajo vlera që përmendët ju është e vitit të kaluar, jemi në gjysmën e vitit 2025 dhe shifra e divorceve i ka kaluar 7 mijë.
Kështu që i bie që 2025-a do të ketë shumë herë më shumë kërkesa në gjykata për zgjidhje martese.
Kohët e fundit çiftet i bien shumë shkurt dhe i drejtohen gjykatës për zgjidhjen e martesës, pa i ezauruar të gjitha rrugët për të parë shpëtimin e martesës, pa kërkuar një psikolog, pa u mbledhur familja për të diskutuar dhe të gjendej një zgjidhje dhe menjëherë i drejtohen gjykatës për zgjidhjen e martesës”, tha Aurora Marku për “Ora Nees”.
Lini një Përgjigje