FLASH
Shkruar nga Pamfleti
Këshilli i Ministrave i mbledhur vonë mbrëmjen e djeshme miratoi Aktin Normativ, për disa ndryshime në Buxhetin e Shtetit për vitin 2024, ku përfshiheshin fondi për voton e diasporës dhe shpërblimi i pranverës për pensionistët.
Nga ndryshimet e miratuara, Këshilli i Ministrave vendosi që të shpërndajë 2,2 miliardë lekë shpërblim për shtresat që trajtohen me ndihmë ekonomike, të cilat do të përfitojnë 15,000 mijë lekë për familje.
Gjithashtu për shpërblimin e pranverës, janë ndarë 6.3 miliardë lekë nga të cilat do të përfitojnë të gjithë pensionistët. Ata me pension mbi 20,000 lekë do të marrin një shpërblim prej 5,000 lekësh, ndërsa ata me pension më të ulët se 20,000 lekë do të marrin 10,000 lekë shpërblim në pranverë.
“Në këtë prag fundviti, e gjithë vëmendja jonë shkon në mbështetje të shtresave më në nevojë, kryesisht pensionistëve dhe familjeve me të ardhura të ulëta.
Do të shpërndajmë 2.2 miliardë lekë në formën e shpërblimeve të menjëhershme për disa nga kategoritë sociale më vulnerabël. Konkretisht do të jenë përfitues të bonusit prej 15,000 lekësh të gjitha familjet që trajtohen me Ndihmë Ekonomike, Personat me Aftësi të Kufizuar (PAK), si dhe kujdestarët e tyre.
Nga ana tjetër do të vëmë në jetë premtimin për garantimin e bonusit të Pranverës, duke siguruar krijimin e një llogarie speciale në Bankën e Shqipërisë, në mbështetje të pensionistëve në të cilën do të transferohet një fond prej 6.3 miliardë lekësh.
Në pranverë do të përfitojnë bonus në masën 10 mijë lekë ose 100 Euro të gjithë ata pensionistë, pensioni mujor i të cilëve është nën 20 mijë lekë dhe 5 mijë lekë ose 50 Euro të gjithë ata pensionistë, vlera e pensionit mujor të të cilëve është mbi 20 mijë lekë”, thuhet në njoftim.
Lini një Përgjigje