FLASH
Shkruar nga Pamfleti
Gazetari Fatos Mahmutaj ka folur lidhur me protestën e djeshme të Partisë Demokratike.
Ai e cilësoi si një akt të përsëritur dhune dhe manipulimi politik. Sipas tij, Partia Demokratike është tashmë e identifikuar plotësisht me figurën e ish-kryeministrit.
“Është pikërisht programi i shkruar ose i pashkruar i partisë së Berishës, sepse tashmë është kthyer në parti të Berishës ose militantë të Berishës", u shpreh Mahmutaj.
Gazetari përdori tone të forta ndaj Berishës, duke e akuzuar për nxitje të vazhdueshme të përplasjes.
“Berisha nuk ka bërë gjë tjetër veçse ka krijuar dhunë, vetëm dhunë… Nuk di të bëjë gjë tjetër veçse dhunë. Ky është programi i Berishës, kaq di që të bëjë", deklaroi ai për "Abc News".
Mahmutaj shtoi gjithashtu se ish-kryeministri “është mjeshtër i manipulimit të situatave” dhe “mjeshtër i shkatërrimit dhe ndërrimit të situatave në favor të tij”.
Duke iu referuar kohës së zhvillimit të protestës, Mahmutaj e cilësoi të papërshtatshme përkimin me muajin e shenjtë të Ramazanit.
"Atë gjënë e turpshme që bëri dje përpara besimtarëve, fesë dhe besimit të tyre, në një muaj të shenjtë të Ramazanit… Është kulmi i muajit të paqes dhe të adhurimit dhe ai ua prishi këtë adhurim besimtarëve", tha gazetari.
Lini një Përgjigje