FLASH
Shkruar nga Pamfleti
Analisti Mentor Beqa ka komentuar planet e Trump për të shpërngulur palestinezët nga Gaza dhe për t’i dërguar ata në vende të ndryshme të botës, mes tyre edhe Shqipëria.
Sipas Beqajt, për fat të mirë ne ndodhemi para zgjedhjeve dhe si Rama edhe Berisha nuk do guxojnë ta mbështesin atë plan pasi do të përballen me reagime të shumta të popullit. Ai u shpreh i keqardhur që politikanët tanë nuk e artikulojnë se ky është një “spastrim etnik” dhe është i papranueshëm, por shprehen se nuk kanë mjaftueshëm kapacitete.
“Nëse shikon deklaratën e Berishës dhe të kryeministrit, nuk kanë asnjë diferencë, është i njëjti qëndrim. Shyqyr jemi para zgjedhjeve dhe nuk e bëjnë, se nëse do kishim distancë nga zgjedhjet do e bënin me qejf të madh.
Për fat të mirë jemi para zgjedhjeve dhe një gjë e tillë do të shkaktonte një reagim shumë të madh qytetar, e para pasi Shqipëria nuk ka asnjë kapacitet për ta bërë këtë dhe e dyta sepse Shqipëria do të bëhej pjesë e një spastrimi etnik, çfarë është moralisht e papranueshme e për fat të keq asnjë nga kandidatët nuk ka guximin ta thotë këtë që 'Kjo është e papranueshme, nuk mund ë bëhemi pjesë e një spastrimi etnik, ku një popull shpërngulet dhunshëm nga territoret e veta', se ne e kemi vuajtur vetë këtë”, tha analisti për “Euronews Albania.
Beqa shtoi se ky projekt i spastrimit nuk është qëllimi i SHBA-ve, por sipas tij Trump ka për qëllim të detyrojë vendet arabe që ti dalin për zot atij vendi e të heqin Hamasin nga Gaza.
Lini një Përgjigje