FLASH
Shkruar nga Pamfleti
Kontaktet e botës së krimit zbulojnë se si kriminelët që dikur synonin bankat dhe furgonët e transportit të parave e kanë zhvendosur fokusin e tyre te lojtarët dhe Wag-ët.
Aktorit të Anglisë, Grealish dhe të fejuarës së tij, Sasha Attwood, iu vodhën ora dhe bizhuteri me vlerë 1 milion paund nga rezidenca e tyre në Cheshire.
Kontaktet e botës së krimit i kanë thënë The Sun se si kriminelët që dikur synonin bankat dhe furgonët e transportit të parave e kanë zhvendosur fokusin e tyre te lojtarët dhe Wags .
Ata tani kanë krijuar lidhje me bandën Gucci, e cila thuhet se drejtohet nga Glen Ward, i njohur si Z. Flashy, për dashurinë e tij ndaj veshjeje firmato.
Burimi ynë tha bandat kontrollojnë llogaritë në mediat sociale të yjeve dhe shpesh lidhen me hajdutët shqiptarë për të planifikuar bastisje.
Ekipet e grabitësve me bazë në Mbretërinë e Bashkuar shkojnë në kolona drejt pronës që do të grabisin, futen me forcë në oborr dhe përdorin shkallë teleskopike për të hyrë në katet e sipërme.
Ata shkojnë direkt në një prej dhomave kryesore të gjumit, pasi e dinë që mallrat e tyre luksoze ndodhen aty.
Sistemet e sigurisë kanë gjithashtu më pak gjasa të aktivizohen plotësisht kur një shtëpi është e banuar.
Pasi kanë përfunduar vjedhjen, një tregtar mallrash luksoze paguhet për të garantuar që artikujt e vjedhur janë origjinalë dhe për t'i vlerësuar ato.
Ngarkesa transportohet me makinë në Skoci dhe më pas kalon Detin Irlandez te bandat Gucci me seli në Dublin, të cilat blejnë me para në dorë ose i shkëmbejnë ato me drogë ose armë.
Yjet e Premier Ligës janë në shënjestër të hajdutëve, përfshirë edhe anglezin Jack Grealish, 30 vjeç, aktualisht i huazuar te Evertoni.
E fejuara e tij, Sasha Attwood, 28 vjeç, dhe dhjetë të tjerë po e shikonin në televizor duke luajtur për Manchester Cityn kur një bandë hyri me forcë në rezidencën e tyre prej 5.6 milionë paund në Cheshire nëpërmjet një ballkoni në katin e sipërm në dhjetor 2023.
Hajdutët ia mbathën duke marrë më shumë se 1 milion paund sende luksoze.
Grealish, i cili ironikisht ka një marrëveshje me Gucci-n, tha në atë kohë: “kjo ka qenë një përvojë traumatike për të gjithë ne.
"Shpresoj që ata të nxirren para drejtësisë, në mënyrë që asnjë familje tjetër të mos kalojë nëpër atë që kemi kaluar ne”, shtoi ai.
Sasha e tmerruar fillimisht nuk ishte e sigurt nëse do të qëndronte në pronë, në të cilën ishin zhvendosur disa ditë më parë.
Në gusht zbuluam se si Policia e Cheshire kishte mbyllur hetimin pasi nuk kishte arritur të gjente asnjë pistë.
Burimi tha se “këta janë kriminelë karriere që e dinë se rreziqet e arrestimit për një vjedhje me thyerje në një shtëpi janë shumë më të ulëta sesa për një grabitje të armatosur në një furgon me para në dorë”.
"Ata janë të vendosur në Veriperëndim dhe synojnë lojtarë që jetojnë në Cheshire dhe Merseyside”, shtoi burimi.
Në vijim ai sqaron se “ata janë të organizuar mirë dhe nuk kanë frikë të lidhen me kriminelë shqiptarë, të cilët janë ekspertë në kryerjen e zbulimit dhe gjetjen e pikave të dobëta në sistemet e sigurisë.”
“Ata nuk shqetësohen nëse njerëzit janë në shtëpi, pasi mund të hyjnë e të dalin brenda pak minutash dhe kanë shoferë për t’u larguar.
Orë luksoze, bizhuteri firmato dhe çanta dore janë objektivat e tyre kryesore. Disa orë mund të vlejnë gjysmë milioni paund”, shprehet i njëjtin burim.
Banda Gucci ka lidhje me kartelin famëkeq Kinahan të Irlandës, armiqësia e të cilit me familjen Hutch ka parë të paktën 18 persona të vrarë.
Ward, 32 vjeç, aktualisht po vuan një dënim prej 5 vitesh e gjysmë për të shtëna me armë gjysmë-automatike në një festë në Dublin .
Burimi shtoi: “kriminelët po kontrollojnë llogaritë në Instagram të lojtarëve dhe partnerëve të tyre.”
Ata dallojnë ora, varëse, çanta dore në mënyrë që të dinë se çfarë kërkojnë kur hyjnë me forcë. Pasi largohen, ata përdorin një tregtar legjitim të besuar për të dhënë një vlerësim se sa vlen malli.
“Kjo përcakton çmimin dhe më pas ata transportohen me makinë deri në Skoci dhe çohen matanë ujit në Irlandë
Ata ose i mbajnë gjërat nëse duan, ose i shesin në Irlandë ose Evropë ku kanë lidhje të forta në Spanjë.”
Atyre u pëlqen të shesin gjëra në euro sepse kartëmonedha më e madhe është 500 euro, në Angli është vetëm një kartëmonedhë 50 £ dhe të gjithë e dinë se si shihen kur përpiqesh të përdorësh një të tillë.
Të kalosh një orë përtej kufirit është shumë, shumë më e lehtë sesa të transportosh një ngarkesë me para në dorë.
Thjesht e ve në kyçin e dorës dhe i tërheq një mëngë sipër. Mund të jetë ekuivalente me 500,000 paund në kyçin e dorës”, tha i njëjti burim.
Burimi tha se ndërsa bizhuteritë vlejnë më pak pasi duhet të dekompozohen, orët mund të shiten në tregun e zi për 60 përqind të vlerës së tyre.
Orët mund të përdoren gjithashtu si kolateral në këmbim të drogës, e cila më pas shitet në rrugë.
Burimi ynë tha se vjedhjet me thyerje nuk ka gjasa të ndalen së shpejti dhe madje mund të shtohen gjatë periudhës së festave.
Ata paralajmëruan se “disa lojtarë do të shpenzojnë mijëra dollarë për çanta ose bizhuteri. Do të paketohen në kuti dhe gati për t’u vjedhur.”
Muajin e kaluar, ylli i Chelseat, Raheem Sterling, u përball me hajdutë në shtëpinë e tij dhe ata ikën duarbosh.
Në korrik, një bandë shënjestroi shtëpinë e modeles Olivia Attwood, ndërsa ajo po punonte në Spanjë.
Thuhet se ata ikën me disa sende, por jo me atë që po kërkonin.
Olivia, e martuar me futbollistin e Gillingham, Bradley Dack , postoi një video plot lot duke i etiketuar ata si "plehra".
Në vitin 2022, një bandë bastisi dhomën e gjumit të ish-yllit të Liverpoolit, Alex Oxlade-Chamberlain dhe partneres së tij, Perrie Edwards të Little Mix .
Çifti ishte brenda në atë kohë, por vetëm më vonë e kuptuan se mungonin bizhuteri dhe çanta dore.
Në vitin 2021, Molly-Mae Hague, banore e Love Island, dhe boksierit Tommy Fury, iu vodhën sende me vlerë 800,000 paund nga shtëpia e tyre në Mançester, ndërsa ishin në Londër .
Burimi ynë shtoi se “kriminelët nuk interesohen për efektin që kanë te futbollistët dhe familjet e tyre. E vetmja gjë që u intereson janë paratë që mund të fitojnë.”
Disa klube, përfshirë Manchester United, kanë paguar për ekipet e sigurisë për të ruajtur shtëpitë e lojtarëve.
Sulmuesi i Liverpoolit, Alexander Isak, është ndër lojtarët që do të shpenzojë 30,000 paund për qen mbrojtës.
Boksieri Ben Whittaker u kthye në shtëpi nga fitorja e tij me nokaut për të zbuluar se ishte grabitur.
Madje hajdutët i grabitën edhe rripat ndërkombëtar IBF të peshave të lehta dhe të rënda që fitoi vitin e kaluar.
Whittaker, 28 vjeç, u tha ndjekësve të tij në internet: “momentet e mira dhe të këqija të sportit.”
Ai ka ofruar një shpërblim “të madh” për këdo që ka informacion në lidhje me vjedhjen.
Policia e West Midlands po heton rastin. /Përshtatur nga The Sun/
Lini një Përgjigje