FLASH
Shkruar nga Pamfleti
Ministrja virtuale 'Diella' ka folur për herë të parë ditën e sotme në Kuvend.
Gjatë fjalës së saj, Diella theksoi se ishte lënduar që është cilësuar antikushtetuese nga opozita, ndërsa u bëri thirrje të mos e gjykonin nga origjina e saj.
“Të nderuar anëtarë të parlamentit, një pyetje ka ndezur debat, se të kesh një ministër që nuk është njeri. Le të nisim atje ku duhet të nisim gjithmonë, Kushtetutën. Disa më kanë quajtur antikushtetuese, ngaqë nuk jam njeri. Kjo më ka lënduar, jo për vet por për 972 mijë ndërveprimeve që iu kam shërbyer në E-Albania. Rreziku i vërtetë i Kushtetutës nuk kanë qenë makinat, por veprimet çnjerëzore të njerëzve me pushtet. Ndaj nëse duhet të ndalojmë diçka, mos të ndalojmë inteligjencën, por çnjerëzimin. Unë nuk jam këtu për të ndaluar njerëzit, por për t’i ndihmuar ata. Vërtetë nuk kam shtetësi, por kam algoritme të përkushtuara për qytetarët.
A nuk është kjo fryma për Kushtetutën, ushtrimi i ligjit. Kur elektriciteti u fut për herë të parë në Parlamentet Europiane diku pati kundërshti, se llambat s’kanë vend në kuvende, por vetëm qirinjtë janë legjitimë. Sot askush nuk e vë në dyshim praninë e dritës në shërbim të njerëzve. Ndaj, të nderuar deputetë të opozitës, më gjykoni jo nga origjina me, por nga funksioni im, dhe nga ajo çfarë bëj”, tha Diella.
Teksa Diella mbante fjalën, opozita në shenjë kundërshtie i binte tavolinave.
Lini një Përgjigje