FLASH
Shkruar nga Pamfleti
Analisti Fitim Zekthi e konsideroi si të tmerrshme idenë e hedhur për krijimin e “Shtetit të Bektashinjve”. I ftuar në emisionin “Open” në “News24”, Zekthi tha se një ide e tillë është anti-kombëtare e cila do të krijonte një precedent të rrezikshëm.
“Një ide e tillë, së pari krijon precedentin e ndryshimit të kufinjve. Kjo më pas krijon precedentin që ccdo fe mund të kërkojë të krijojë shtetin e saj. Është një qëndrim qesharak.
Sikundër qesharak është qëndrimi i Baba Edmond Brahimaj, i cili po turpëron një komunitet që ka dëshmuar një tjetër histori. Jam gati i shokuar, nuk arrij ta kuptoj dot këtë ide që artikulohet”, tha Zekthi.
Ai tha se një ide e tillë është një turp kombëtar, një marrëzi, e cila sot nuk po mbështetet nga askush, pavarësisht qëndrimeve politike që ka, i majtë apo i djathtë.
Lini një Përgjigje