FLASH
Shkruar nga Pamfleti
Eksperti i sigurisë Fatjon Softa teksa ka komentuar sulmin me tritol në banesën e gjyqtarit të Shkodrës, Tonin Sterkaj.
Softa ka analizuar pamjet e kamerave të sigurisë, ndërsa deklaron se autori ka qenë i kamufluar, duke e lidhur këtë gjë me disa prej karakteristikave fizike.
Softa zbulon më tej se nuk beson se është hedhur eksploziv, por një lloj lënde tjetër që mund të jetë nitrat e përzier me naftë.
“Duhet të vini re ngjyrën e tymit. Është shumë i zi në raport me eksplozivët e zakonshëm dhe të jep përshtypjen e një lënde që mund të jetë nitrat me naftë e përzier. Shihni dhe ecjen, ka problem me këmbën. Ka një disporpocion midis këmbëve dhe trupit. Mund të jetë kamuflazh për të mos treguar dimensionet reale të trupit. Ose ka problem fizik me ecjen. Po të kishte eksploziv do e kishte hedhur në erë derën. Mund të ketë një kallup, një kapsoll dhe një fitil. Sipas përllogaritjes shpejtësia e ecjes së fitilit është 1 centimetër për sekondë. Ai fitil mund të jetë një metër-2 metra që t’i japë kohë për t’u larguar”, tha Softa për RTSH24.
Më tej eksperti vuri theksin te rëndësia e elementëve të sigurisë. Softa u shpreh se nevojitet kontrolli i territorit me qëllim parandalimin e ngjarjeve kriminale.
“Fatkeqësisht lëndët eksplozive kanë filluar që në ’92. Janë rritur këto raste dhe kemi 8 banesa gjyqtarësh të goditura me lëndë eksplozive. Sulmet ndaj gjyqtarëve kanë ardhur te gjyqtarë e prokurorë e nesër mund të shkojë te ministra, deputetë e strukturat e lartë. Elementi siguri është shumë i rëndësishëm dhe duhet parë në kontrollin e territorit sepse edhe qytetari ka nevojë për mbrojtje. Të mos merremi vetëm me kapjen e autorit, por me parandalim. Ka shumë magazina”, theksoi Softa.
Lini një Përgjigje