FLASH
Shkruar nga Pamfleti
Juristi Kreshnik Spahiu duke komentuar zgjedhjet e ripërsëritura në Rrogozhinë, tha se opozita kishte 5 avantazhe në këtë garë.
Në një intervistë për emisionin “Now” në “Euronews Albania”, ai tha se Opozita kishte në favorin e saj skandalet e qeverisë, ardhjen e emigrantëve dhe idenë se PS i manipuloi zgjedhjet herën e parë. Por sipas Spahiut opozita as nuk e mori mundimin të bënte fushatë.
"Në Rrogozhinë opozita shkonte me 5 avantazhe në raport me qeverinë. Avantazhi i parë ishte vetë përsëritja e zgjedhjeve që konsideronte që fitorja e socialistëve kishte qenë e parregullt. Avantazhi i dytë ishte zhvillimi i sezonit turistik, ku ka një numër të lartë emigrantësh që vijnë në këtë sezon, ku vota e emigrantëve mund të rriste numrin e votave. E treta, vihej pas skandalit të Safet Gjicit, të një modeli negativ nga zgjedhjet e 14 majit. Një avantazh tjetër ishte që fusha opozitare ishte lënë bosh. Nëse opozita deri dje ka pasur një kompleks se nuk fitonin zgjedhjet me Ramën, tani po i çelin një problem tjetër vetes, se mund të jenë në garë për 12 vjet me Erion Veliaj", tha ai.
Lini një Përgjigje