FLASH
Shkruar nga Pamfleti
Kujtim Cakrani, avokati i Ilir Metës ka reaguar pas vendimit të Gjykatës së Posaçme për të lënë në burg ish-presidentin e PL.
Avokati tha për mediat se vendimi nuk ishte surprizë dhe e cilësoi të gjithë procesin si politik.
“Nuk aludoja aspak për një vendim të ndryshëm,” deklaroi Cakrani.
“Nga sot do ta paragjykoj zonjën Gjoka. Ajo duhet të largohet, sepse nuk e bën dot këtë çështje. Kjo është një çështje politike”, tha avokati.
Avokati komentoi edhe përplasjet brenda gjykatës, duke theksuar se pavarësisht se kërkesa e gjyqtares Irena Gjoka për të hequr dorë nga çështja u refuzua nga kryetari i GJKKO-së, Erion Bani, ajo duhej të merrte një vendim për lirimin e Metës.
“Ne do të vijojmë betejën. Do të shterojmë të gjitha hallkat e gjyqësorit,” përfundoi Cakrani.
Ilir Meta ndodhet në qeli që prej hetimeve të nisura nga SPAK, ku ai dhe ish-bashkëshortja e tij, Monika Kryemadhi, përballen me akuza të rënda për korrupsion, pastrim parash dhe mosdeklarim të pasurisë.
Lini një Përgjigje