FLASH
Shkruar nga Pamfleti
Analisti Andi Bushati duke folur për dosjen ‘5D Construction’, deklaroi se edhe pse Erion Veliaj nuk është vetë në hetim, ai është tani një politikan i ‘vdekur’.
I ftuar në emisionin “Çim Peka Live” në “Syri Tv”, Bushati deklaroi se ky rast zbuloi se Bashkia është mbushur me injorantë që nuk dinë të fshehin krimin e vet.
“Ishte e vështirë ta besoja. Të shohësh një vjedhje barbare, pa u kujdesur për të fshehur gjurmët, është diçka e çmendur. Në kuptimin politik Erion Veliaj është në dosje. Nëse nga 2015 e deri më sot, ka pasur një besëtytni publike; ore këta djemtë e lalit, vjedhin, por bëjnë dhe punë, janë të zotë.
Kjo dosje tregoi se këta janë ca injorantë, që kur nuk dinë të fshehin krimin e vet dhe ulërasin krimin e vet në mes të Tiranës, këta janë të paaftë të bëjmë punë për publikun.
Në këtë kuptim mendoj se këtë dosje, e merr apo jo SPAK, e urdhëron Rama SPAK, ta jap Erion Veliaj, apo s’ta jap Veliajn, me këtë dosje Erion Velaij është një politikan i ‘vdekur’, jo nga tëmthi apo mëlçia, por nga vjedhjet e mëdha që kanë bërë.
Është piramida e një vjedhje masive, nuk ka ndodhur në Shqipëri kështu. Dyshojmë te inceneratorët, nuk e di se çfarë do të na ndriçojë Belindi më vonë, por edhe e kishim një kompani”, tha Andi Bushati.
Lini një Përgjigje