FLASH
Shkruar nga Pamfleti
Gazetari Sami Neza ka folur pas arrestimit të ish-ministrit të shëndetësisë Ilir Beqaj. Ai tha se ka pritur që Beqajt t’i viheshin prangat për koncensionet në shëndetësi.
Neza u shpreh se Beqaj arrestohet për disa abuzime qindra mijëra euroshe, por jo për miliona eurot abuzime të koncensioneve në shëndetësi.
“Në momentin e parë që doli lajmi, mendova se ishte arrestuar për koncensionet në shëndetësi. Pikërisht për atë që thatë ju, peshën e madhe të abuzimeve që zënë koncensionet në shëndetësi, në raport me abuzimet e tjera që është i përfshirë apo akuzohet ish-ministri i Shëndetësisë, Ilir Beqaj.
Ka një diferencë të madhe në dëm, në të dyja akuzat. Tek koncensionet është qindra milionë euro, kurse këtej në mijëra euro.
Në momentin e parë duhet të shmangim atë gjykimin popullorin e fajit, më i madhi apo më i vogli. Por ka një ligj që të dënon njësoj si për 1 cent dhe për miliona euro.
Pritshmëria e qytetarëve është shumë e madhe dhe kjo pritshmëri nuk është e ndërtuar vetëm mbi aludimin e njerëzve, por edhe mbi faktet dhe argumentet, por edhe nga vetë dosjet e SPAK dhe vendimet e Gjykatës së Posaçme.
Është mbushur kupa dhe ne nuk jemi në gjendje më të gjykojmë ftohtë, apo në atë ftohtësinë e neneve të ligjit në lidhje me këto abuzime.
SPAK ka një problem dhe unë problemin e SPAK kemi mundësi ta lexojmë tek një deklaratë që bëri Erion Braçe. Ai është një politikan i vjetër, ish-gazetar dhe ish-zv/kryeministër për shumë vite.
Ai i bëri thirrje SPAK që të ruajë ekuilibrin sepse ai ka lëvizur. Kjo është një kërkesë anormale, që i drejtohet SPAK me këtë kërkesë. Deklarata e Braçes shpreh definicionin që ka PS dhe qeveria për SPAK, si një instrument që duhet të ndëshkojë në të dy anët në mënyrë të barabartë.
Braçja këtë e thotë publikisht, por ka të tjerë që plot i bëjnë presion SPAK, në mënyrë të fshehtë", tha Neza për “Syri Tv”.
Lini një Përgjigje