FLASH
Shkruar nga Pamfleti
Ish-zëvendëskryeministrja Belinda Balluku i është drejtuar Gjykatës së Lartë me rekurs, ku kërkon heqjen e masës së pezullimit nga detyra, të vendosur ndaj saj me kërkesë të SPAK dhe të miratuar nga GJKKO në nëntor 2025. Masa është lënë në fuqi edhe nga dy shkallët e tjera të gjyqësorit.
Rekursi është depozituar sot dhe tashmë pritet vendimmarrja e Gjykatës së Lartë mbi kërkesën e saj.
Në tetor të vitit 2025, Balluku u mor e pandehur për akuzën e shkeljes së barazisë në tenderin e Tunelit të Llogarasë. Një muaj më pas, ajo u vu nën hetim edhe për procedurat që lidhen me 7 lotet e Unazës së Madhe, ndërsa iu komunikua edhe masa e pezullimit nga detyra si zëvendëskryeministre dhe ministre e Infrastrukturës.
Megjithëse kryeministri Edi Rama e shkarkoi nga detyra në shkurt 2026, masa e pezullimit vijon të mbetet në fuqi, pas vendimit të Gjykatës Kushtetuese që konfirmoi vlefshmërinë e saj.
Ndaj Ballukut është lënë në fuqi edhe masa e ndalimit të daljes jashtë shtetit. Ish-numri dy i qeverisë kishte kërkuar heqjen e kësaj mase, por Gjykata e Lartë rrëzoi rekursin e saj.
Belinda Balluku akuzohet për shkelje të barazisë në tenderin e Tunelit të Llogarasë, ndërsa është nën hetim edhe për 7 lotet e Unazës së Madhe dhe dyshohet gjithashtu për përfshirje në tre tenderë të tjerë.
Lini një Përgjigje