FLASH
Shkruar nga Pamfleti
Në krye të biznesit të kanabisit, do jenë familjarë të Bablokut e persona të fuqishëm pranë tij, prandaj parcelat, i ka ndarë në zona që i kontrollojnë “të fortët besnikë” të lidhur me të…
Kryeministri Edi Rama ka nisur projektin e kultivimit të kanabisit, duke ndarë zonat dhe parcelat në bashkitë ku do bëhët ky biznes mafioz, i trumbetuar si zhvillim ekonomik për Shqipërinë, kur faktikisht është thjesht një skemë për të lejuar me ligj prodhimin dhe trafikimin e kanabisit.
Me Vendim Nr. 149, datë 6 mars 2025 “Për miratimin e zonave kadastrale, në të cilat lejohet kultivimi i bimës së cannabis-it”, qeveria ka caktuar 138 parcela toke në qarqet Shkodër, Dibër, Fier, Vlorë, Elbasan, Gjirokastër, Kukës e Tropojë.
Parcelat ku do të kultivohet kanabasi, qeveria i ka caktuar në zonat ku janë emrat e mirënjohur të botës së krimit në veprimtarinë e trafiqeve, të cilët kanë lidhje me PS dhe personalisht me kryeministrin Edi Rama, të përdorur si “cuba” në fushatat elektorale.
Nuk është rastësore, që parcelat për kultivimin e drogës, janë caktuar në zonat e Shkodrës ku janë “çifligjet” e bandave të këtij qyteti dhe në Malësinë e Madhe që prej 20 vitesh është “çiflig” i “non grata” Tomë Doshit.
Në Njësinë Gruemirë të Malësisë së Madhe, Babloku ka caktuar 11 parcela për kultivim kanabisi në Gruemirë, Boriç, Gjormë, Grudë-Fushë, Grizhë, Vajush, Mëshqerre, Omarre, Rrash-Kullaj e Vorfe, ku jo rastësisht, Tomë Doshi dhe bandat e tij kanë toka private dhe kanë marrë toka shtetërore në përdorim, por dhe 6 parcela në njësinë administrative Postribë e Rrethina.
Babloku caktoi 20 parcela kanabasi në Tropojë, që jo rastësisht, janë në pronësi, me qira dhe nën kontroll “kanunor” nga kryebashkiaku i arrestuar Rexhë Byberi, familja dhe klani i tij i drogës, konkretisht në Bajram Curri, Bujan, Blladë, Dushaj, Fierzë, Dojan, Rosnje, Selimaj, Degë, Babinë, Ljufgaj, Jaho Sali etj; ku parcela kanë dhe familjarë, krushq e klane të Sali Berishës.
Brenda listës për kultivim droge, janë dhe 5 parcela në Njësinë Administrative Kalaja e Dodës në Dibër, në zonat që njihen si “çifligje” të kontrolluara nga trafikanti Ymer Lala, i njohur si “i forti” i Bablokut e PS në fushata elektorale.
Në Njësitë Adsministrative Fajzë të Hasit dhe Njësitë Bushtricë e Kalis të Kukësit, Babloku ka caktuar 13 parcela kanabisi, konkretisht në zonat që njihen si “çifligje” të bandës “Dauti” e kryesuar nga kryetari i Bashkisë-Has, demokrati Miftar Dauti dhe ish-kryebashkiakët e PS, Liman Morina e Adem Lala, të cilët kanë lënë mënjanë ngjyrat partiake dhe janë bashkuar prej 20 vitesh në kultivimin e drogës në Has.
Në biznesin e drogës, Babloku 9 parcela ia ka dhënë bandës së Cërrikut të drejtuar nga biznesmeni Eral Myftaraj, ortak me ish-ministrin Bledar Çuçi.
Në Cakran të Fierit e Mallakastër, Babloku ka caktuar 4 parcela, brenda “çifligjeve” që kontrollohen nga Ben Qimja e Trifon Murataj i “Bana King”; ndërsa në Elbasan ka caktuar 6 parcela nga 5-8 hektarë, në zonat që kontrollohen nga bandat Çapja e Çopja; ndërsa 39 parcela për kultivim kanabisi, Babloku i ka caktuar në Delvinë, Finiq e Këlcyrë, që kontrollohen nga të fortët atje.
Në zonën e Dropullit ka caktuar 30 parcela, të cilat kontrollohen nga krye-trafikanti Andrea Çaushi alias Renato Caushi, bashkë me djalin dhe nipin e Vangjel Tavos, të cilët janë ortakë te 2 guroreve në Dropull dhe te reosrti në Kalanë e Lëkuëisit-Sarandë, ku pronar po bëhet Dajlan Avdia i “APEX” dhe kullave në Tiranë. .
Nuk dihet, për cilin i ka caktur 4 parcela në Libohovë e në Glinë, por thuhet se i ka një biznesmen mik i Edi Ramës, ndërsa në Lazarat ka caktuar 1 parcelë për kanabis, si simbol i kohës së Sali Berishës.
Nuk ka asnjë dyshim, që në krye të biznesit të kanabisit, do jenë familjarë të Bablokut dhe persona të fuqishëm pranë tij, prandaj parcelat, i ka caktuar në zona që janë çifligje të “të fortëve besnikë” të lidhur me të, për të fshehur bosët vërtetë të këtij biznesi./Pamfleti
Lini një Përgjigje