FLASH
Shkruar nga Pamfleti
Ish-Prokurori Eugen Beci, duke komentuar arrestimin e ish-Presidentit Ilir Meta, tha se masa e sigurisë duhet të ekzekutohet brenda rregullave dhe urdhrave.
Beci e konsideroi të panevojshëm përfshirjen e ministrit të Brendshëm në debat, ndërsa shtoi se i takon SPAK që të japë sqarime, pasi është kjo Prokurori që ka kërkuar arrestimin e ish-Presidentit.
Ai tha se të gjitha procedurat, referuar videove të publikuara, mund të them se nuk janë respektuar në momentin e arrestimit.
“Duhet gjetur vendi më i përshtatshëm për të ndaluar. Përgjimi i personit, mbajtja nën vëzhgim, bëhet që të gjendet vendi më i përshtatshëm. Fakti se kemi pasur makina pa logo dhe punonjës pa uniforma, tregon se kanë qenë në ndjekje e sipër”, tha Beci në “Open”.
Ai tha se mund të evitohej një situatë e tillë: “Mund të ishte ndaluar në banesën e tij, në selinë e partisë, duke mos krijuar kaos dhe shou të panevojshëm. Një shtet serioz nuk i mungojnë as makinat e loguara dhe as punonjësit me uniformë, të paktën t’i jepej serioziteti edhe hetimeve që kanë 5 vjet që kryen”.
Lini një Përgjigje