FLASH
Shkruar nga Pamfleti
Kur kanë mbetur edhe 8 ditë nga afati përfundimtar për depozitimin e aplikimeve për një vend vakant në Gjykatën Kushtetuese, duket se ka një interesim të ulët për garën e çelur.
Sipas report TV, nga momenti i pranimit të aplikacioneve, interes për garën ka shprehur vetëm 1 kandidat, Genc Gjonçaj, që mban dhe detyrën e Sekretarit të Përgjithshëm të Kuvendit.
Ai gjithashtu ka garuar edhe për vakancën në Gjykatën Kushtetuese, që plotësohet nga Presidenti i Republikës.
Afati i fundit për të dorëzuar emrat në Kuvend është 30 dhjetori, dhe duhen të paktën 3 emra në fazën finale që gara të jetë e vlefshme.
Kuvendi do të zgjedhë mes 3 të parëve më të vlerësuar nga KED, gjyqtarin që për 9 vjet do të jetë anëtar i Gjykatës Kushtetuese, në vakancën e krijuar pas dorëheqjes së Elsa Toskës, e cila u vetëlargua në vitin 2024.
Ndërkohë vakanca tjetër, ajo që përzgjidhet nga Presidenti, i përket pozicionit që lirohet pas përfundimit të mandatit të Sonila Bejtjas.
Presidenti i ka mbledhur aplikimet dhe i ka dorëzuar për verifikim në Këshillin e Emërimeve në Drejtësi.
Largimi i Toskës, Zaçajt dhe Bejtes është pjesë e skemës së rifreskimin të Gjykatës Kushtetuese me tre anëtarë çdo tre vjet.
Lini një Përgjigje