FLASH
Shkruar nga Pamfleti
Ish-prokurori Shkëlqim Hajdari ka folur rreth goditjes nga SPAK të kokave të krimit dhe pushtetit. Ai tha se SPAK ka shkaktuar tërmet në botën e krimit të organizuar. Më tej Hajdari paralajmëroi duke thënë se do të ketë zbardhje të shumë çështjeve, ku mes tyre do të jetë vrasja e bankierit Artan Santos.
Ai u shpreh se krimi I organizuar nuk luftohet fort vetëm nga prokurori, duke thënë se është i bindur që do të ketë të arrestuar që do të bashkëpunojnë me drejtësinë.
“SPAK ka shkaktuar tërmet në botën e krimit të organizuar. Deri tani SPAK ka goditur grupe të veçanta, ndërsa kjo goditje është 360 gradë. Ja ku është dosja. Ky është një lajm i shkëlqyer për shoqërinë shqiptare dhe t’u mbyllë gojën atyre që sulmojnë SPAK. Shqipëria po hyn në një rrugë të re, SPAK po tregon se do e bëjë Shqipërinë, falë kushteve dhe besimit të qytetarëve. Mafia, krimi i organizuar, nuk luftohet dot fort me prokurori. Kjo ka disa të mira.
Jam i bindur që do ketë të arrestuar që do të bashkëpunojnë me drejtësinë. Do të ketë zbardhje të shumë çështjeve, kuptoj si rrotullohet vrasja e Santos. Kam thënë që kur të krijohen struktura e posaçme, basti ka qenë kush do i vihet i pari para drejtësisë. Shumë shpejt para drejtësisë do të dalin vrasësit e gjyqtarit Konomi dhe Artan Santos”, tha Hajdari për “AbcNews”.
Lini një Përgjigje