FLASH
Shkruar nga Pamfleti
Gjatë protestës, një qytetare shprehu pakënaqësinë ndaj qeverisë, duke deklaruar se kërkesat e protestuesve nuk janë marrë parasysh prej një muaji.
Një protestuese deklaroi për mediat se qytetarët prej 30 ditësh vijojnë protestat, por, sipas saj, kërkesat e tyre nuk janë dëgjuar nga qeveria. Ajo kërkoi largimin e qeverisë dhe u shpreh se, në një vend demokratik, kryeministri Edi Rama duhet të kishte dhënë dorëheqjen.
"Kemi 30 ditë dhe ata nuk dëgjojnë. Nuk i duam më, duhet të ikin, ikni", u shpreh protestuesja.
Gjatë deklaratës së saj, ajo bëri edhe pretendime se zyrtarë politikë kanë dosje të hapura në SPAK.
"Duhet të futen ata në burg, i kanë dosjet e hapura, i ka SPAK dosjet të gjitha, do presim ata ne", tha ajo.
Protestuesja tha gjithashtu se do të vazhdojë të protestojë, duke e lidhur angazhimin e saj me të ardhmen e fëmijës.
"Unë do ia dal, do shes veten për këtë fëmijë, po pse të strapasohem në një vend demokratik", deklaroi ajo për mediat.
Në vijim të prononcimit, ajo shprehu mendimin e saj se kryeministri duhej të kishte dhënë dorëheqjen dhe se protestuesit do të vijojnë përpjekjet për largimin e qeverisë.
"Kryeministri nuk jep dorëheqjen për 30 ditë, në një vend demokratik dhe evropian. Nuk e kupton që ne do e rrëzojmë, ndaç me dhunë ndaç me protestë, ky ka marrë fund, do ta rrëzojmë", u shpreh protestuesja.
Deklaratat e mësipërme përfaqësojnë qëndrimet e shprehura nga protestuesja gjatë prononcimit të saj dhe nuk janë të verifikuara si fakte.
Lini një Përgjigje