FLASH
Shkruar nga Pamfleti
Në Francë raportohet se Zidan Zidan po përgatitet të zëvendësojë Deshamp si trajner i kombëtares, pas Botërorit 2026. Sipas “L’Equipe”, momenti pritet të vijë, edhe pse ende nuk dihet data e saktë kur do të marrë drejtimin e “Gjelave”. Mediat theksojnë se që më 12 korrik, gjatë kremtimit të 27-vjetorit të Botërorit 1998, ishte e qartë se Zidan do të bëhej trajneri i ardhshëm.
Deshamp nuk mori pjesë, ndërsa legjenda të tilla si nLoren Blank, Bogosian, Vinsent Kandela, Bartez, Karembë, Petit, Diomede, Aime Xhek, si dhe Pogba e Platini ishin të pranishëm. Zidan u përfshi edhe në shakatë e kolegëve për të ardhmen, duke biseduar gjithashtu me Blank për eksperiencën e tij si trajner i Francës (2010-2012).
Një mik i afërt i Zidan i tha medias: “Ai di gjithçka…, informacioni i vjen më shumë sesa e kërkon. E di që lojtarët e Francës ëndërrojnë të punojnë me të”. Megjithatë, Filip Dialo, presidenti i FFF, është më i kujdesshëm: “Është shumë herët, Federata do të jetë gati kur të vijë momenti”.
“L’Equipe shkruan”: “Zidan mban shumë shënime, ka ide të qarta për lojën e ardhshme të kombëtares. Ai ndjek rregullisht ndeshjet e Ligës 1, ato europiane dhe përtej. Vëzhgon gjeneratën e re dhe, falë rrjetit të tij, informohet mbi personalitetet e lojtarëve, përfshirë ata që tashmë janë pjesë e kombëtares aktuale”.
Lini një Përgjigje