FLASH
Shkruar nga Pamfleti
Medin Memeti është një profil interesant, i cili luan me Melburn Sitin në Australi. Sot ishte rezervuar sfida me Johor për Champions-in aziatik, dhe që u fitua me rezultatin 2-0. Golin që vulosi fatin e takimit e shënoi sulmuesi 18-vjeçar në minutën e 92.
Memeti u aktivizua si zëvendësues në pjesën e dytë. Te goli i shënuar në fund, e gjithë merita ishte e tij, ndërsa më pas nuk mungoi festa me shqiponjë.
Talenti shqiptar e kishte ndeshjen e dytë radhazi për këtë sezon me Melburn Sitin. Mungesa e tij më parë ishte për shkak dëmtimi.
Memeti është pjesë e moshave të Australisë ku edhe ka lindur. Sinjalet gjatë kësaj kohe kanë treguar për afrimitetin me origjinën e tij, pavarësisht largësisë.
Lini një Përgjigje