FLASH
Shkruar nga Pamfleti
Liga e Kampionëve kthehet më 16 shtator, me tifozët e futbollit që do të shijojnë tre netë radhazi me aksion të ndeshjeve të Champions League gjatë javës së parë.
Ky sezon do të jetë edicioni i 71 i Kupës së Kampioneve, me 24 ekipe të ndryshme që e kanë ngritur trofeun deri më sot.
PSG-ja hyn në sezonin 2025-2026 si kampione në fuqi, duke fituar titullin e parë të Ligës së Kampionëve me një fitore të thellë 5-0 ndaj Interit.
Një rishikim i garës përpara sezonit të kaluar pa që turneu të rritej nga 32 në 36 ekipe dhe t’i nënshtrohej një ndryshimi të rëndësishëm në format. Tetë grupet me katër ekipe u zëvendësuan nga një fazë e vetme lige në të cilën të gjitha klubet luajtën tetë ndeshje – një rritje nga gjashtë – për t’u renditur në një tabelë masive me 36 klube. Ky format mbetet në sezonin 2025-2026.
Përfundimi në tetë vendet e para siguron kualifikim të menjëhershëm për në 16 vendet e fundit, ndërsa ekipet midis vendit të nëntë dhe të 24 garojnë në raundin e “play-off”-it të Ligës së Kampionëve për të drejtën për t’u bashkuar me ekipet kryesuese në fazën eliminatore.
Anglia do të ketë gjashtë skuadra në sezonin 2025-2026 (Arsenal, Çelsi, Liverpul, Mançester Siti, Njukasëll dhe Totenhem), numri më i madh nga një komb në një edicion të vetëm.
Por kush do ta fitojë trofeun? Superkompjuteri “Opta” e ka simuluar garën 2025-2026 10,000 herë dhe ka konfirmuar përqindjet e saj para turneut. Le të shohim parashikimet për Ligën e Kampionëve.
Liverpuli (20.4%) është favorit për të fituar Ligën e Kampionëve të këtij sezoni, sipas superkompjuterit “Opta”. Kampionët në fuqi të Premier Ligës u eliminuan nga fituesit e ardhshëm PSG sezonin e kaluar.
Kërcënimi më i mundshëm për skuadrën e Arne Slot janë rivalët e Premier Ligës, Arsenali (16.0%), ndërsa kampionët në fuqi PSG-ja janë favoritët e tretë për të ruajtur titullin e tyre (12.1%).
Mançester Siti, i cili fitoi garën në sezonin 2022-2023, ka një shans prej 8.4%, ashtu si edhe Barcelona, ndërsa kampionët e Kupës së Botës për Klube, Çelsi (7.0%), Reali i Madridit (5.8%) dhe Bajerni i Mynihut (4.3%) formojnë grupin ndjekës.
Lini një Përgjigje