FLASH
Shkruar nga Pamfleti
Gjatë ndeshjes së Grupit F midis Ulsan Hyundai dhe Mamelodi Sandauns, gjyqtari francez Klement Tërpin zbatoi rregullin “8 sekonda” për herë të parë në Kupën e Botës për Klube 2025.
Në fazën e fundit të ndeshjes së luajtur në stadiumin “Inter&Co” në Orlando, gjyqtari francez ndëshkoi portierin e klubit të Afrikës së Jugut, Ronuen Uilliams, dhe pasi numëroi kohën me duar, i dha goditjen nga këndi ekipit të Koresë së Jugut.
Kupa e Botës për Klube FIFA 2025 sjell me vete një risi shumë të rëndësishme rregullatore që presidenti i komitetit të gjyqtarëve të FIFA-s, Pierluixhi Kolina, e kishte prezantuar qartë në prag të turneut:
Për të shmangur humbjen e kohës nga portierët, një goditje nga këndi i jepet ekipit kundërshtar nëse topi mbahet në duart e portierit për 8 sekonda.
Në minutën e 82 të ndeshjes Ulsan-Mamelodi, Klement Tërpin akordoi një goditje nga këndi pavarësisht se topi ishte në duart e portierit të Afrikës së Jugut.
Çfarë ndodhi? Gjyqtari francez zbatoi rregullin e “8 sekondave” për herë të parë në Kupën e Botës për Klube 2025.
Lini një Përgjigje