
Mesfushori i Kombëtares kuqezi, Qazim Laçi vijon të jetë protagonist në kampionatin çek.
Ai realizoi golin e avantazhin në ndeshjen ndaj Viktoria Plzen, të cilët janë edhe kundërshtarët e Ballkanit të Ilir Dajës në Ligën e Konferencës.
Pas një aksioni perfekt, ai goditi drejt portës duke mposhtur gardianin Stanek.
Kështu ai përshëndet Silvinjon, duke treguar formën e mirë që po kalon pasi ‘finalja’ përballë Çekisë është shumë afër. Aktualisht ekipi i tij, Sparta e Pragës udhëheq me rezultatin 2-1.
27-vjeçari, në ndeshjen e nëntë të kampionatit, gjeti golin e parë, ndërsa vlen të theksojmë se ka dhuruar 5 herë pasin e fundit. Në edicionin që kaloi, në Fortuna Liga, Laçi luajti 17 ndeshje. Futbollisti, më parë, ka mbajtur veshur fanelën e Levadiakos dhe Ajacio.
Lini një Përgjigje