FLASH
Shkruar nga Pamfleti
Sot, drejtori sportiv i Milanit, Igli Tare, shkoi në Belgjikë për të folur me Klub Bryzh rreth Ardon Jasharit, objektivit numër një të Djallit për mesfushën së bashku me Granit Xhakën. Sipas Fabricio Romanos, lojtari i ka kërkuar klubit belg ta shesë atë, sepse dëshiron të veshë fanelën kuqezi duke filluar nga sezoni i ardhshëm, por vizita e drejtorit sportiv shqiptar nuk dha rezultatet e dëshiruara.
Sipas asaj që u raportua nga mediat belge, në fakt, drejtuesit e Bryzhit kishin ngritur një mur të mëtejshëm kundër largimit të Jasharit, madje duke e përcaktuar atë si të pashitshëm. Është pak si një lojë rolesh, njësoj si ajo që ndodhi në verën e vitit 2022 me Sharl De Ketelare, kur Milani shtyu aq shumë drejt dëshirës së lojtarit për t’u larguar, duke arritur më në fund ta sillte atë në Itali.
Për ta bërë këtë edhe këtë herë, klubi kuqezi do të duhet të shkojë përtej 27 milionë eurove plus 5 milionë në bonuse të ofruara së fundmi, gjithashtu sepse qarkullojnë gjithnjë e më shumë lajme nga Belgjika, sipas të cilave, Klub Bryzh do të dëgjojë vetëm oferta mbi 50 milionë euro për Ardon Jasharin.
Lini një Përgjigje