FLASH
Shkruar nga Pamfleti
Kombëtarja shqiptare e futbollit ka zhvilluar këtë të mërkurë seancën e dytë stërvitore në prag të përballjes me Poloninë, e vlefshme për gjysmëfinalet e play-off-it të Botërorit 2026. Kjo ishte edhe seanca e fundit në tokën shqiptare, pasi skuadra do të udhëtojë nesër drejt Varshavës, ku të enjten do të luhet sfida vendimtare ndaj vendasve.
Në stërvitjen e sotme, trajneri Silvinjo kishte në dispozicion të gjithë grupin e lojtarëve, ndryshe nga dita e mëparshme kur u angazhuan futbollistë nga kampionati vendas për të plotësuar numrat në seancë. Prania e plotë e skuadrës i ka mundësuar stafit teknik të fokusohet te përgatitjet specifike për ndeshjen.
Të 26 futbollistët zhvilluan normalisht programin stërvitor, me theks tek aspekti taktik në funksion të përballjes me Poloninë. Dy ekipet njihen mirë mes tyre, pas përballjeve të shpeshta në vitet e fundit, por këtë herë sfida merr një peshë të veçantë, pasi konsiderohet si një “finale” për ecurinë drejt Botërorit.
Lini një Përgjigje