FLASH
Shkruar nga Pamfleti
Prokuroria e Romës kërkoi të mërkurën presidenti i Napolit, Aurelio De Laurentis të sillet në gjyq për një krim të mundshëm të mashtrimit kontabël që përfshin nënshkrimin e nigerianit Viktor Osimhen në vitin 2020 nga klubi francez Lilë.
Krimi i mashtrimit kontabël kishte ndodhur në vitet financiare 2019, 2020 dhe 2021. Përveç presidentit, prokuroria ka kërkuar që të nxirret në gjyq edhe Napoli si kompani dhe italiani Andrea Kiaveli, krahu i djathtë i De Laurentis.
Ndër operacionet nën hetim është edhe nënshkrimi i grekut Kostas Manolas nga Roma, ndonëse ai i Osimhenit është më i rëndësishmi.
Blerja e sulmuesit nigerian, aktualisht i huazuar te Gallatasaraji, i kushtoi Napolit pak më shumë se 71 milionë euro, investimi më i madh në historinë e tij, të cilin klubi pranoi ta paguante gjatë 5 viteve, ndonëse pagoi vetëm 50 milionë euro dhe përfshiu në marrëveshjen me Lilën transferimin e 4 lojtarëve të rinj me vlerë pak më shumë se 21 milionë euro.
Ashtu siç ndodhi me rastin e Juventusit, në të cilin skuadra u sanksionua ashpër (10 pikë), hetimet aludojnë për "fitime kapitale fiktive" të mundshme, nëpërmjet të cilave është fryrë çmimi i tregut i atyre 4 lojtarëve, të cilët nuk e kalojnë vlerën e vendosur (21 milionë në total) dhe kështu gjenerojnë të ardhura më të mëdha, reduktojnë humbjet financiare në vit dhe kursejnë humbjet financiare.
Problemi është se lojtarët e rinj, Orestis Karnezis, Klaudio Manzi, Çiro Palmieri dhe Luixhi Liguori (tre të fundit nga skuadra e dytë), nuk luajtën kurrë për Lilën dhe përfunduan në skuadra italiane të kategorisë së tretë apo të ngjashme.
De Laurentis ka dëshmuar tashmë para prokurorit publik romak në prill, por sistemi i drejtësisë italiane dëshiron ta nxjerrë atë në gjyq. Hetimi për presidentin italian filloi në qershor të vitit 2023, kur, me urdhër të Prokurorisë Napolitane, "Guardia di Finanza" (policia tatimore), një agjenci e varur nga Ministria e Ekonomisë Italiane, kreu kontrolle në zyrat e Napolit në kërkim të dokumenteve që lidhen me blerjen dhe shitjen e Osimhen.
Avokatët që përfaqësojnë presidentin Aurelio De Laurentis dhe Napolin deklaruan të mërkurën se "klientët e tyre nuk janë plotësisht në dijeni të akuzave, të formuluara nga Prokuroria Publike e Romës, në lidhje me parregullsitë e natyrës buxhetore që datojnë në vitet 2019-2021".
Lini një Përgjigje