FLASH
Shkruar nga Pamfleti
Anisa Veseli u eliminua nga Big Brother VIP Kosova 3, pasi një televotimi kokë më kokë me Gjestin. Ky ishte ndëshkimi i Vëllait të Madh për dyshen, pasi ata u futën në tualet bashkë duke thyer rregulloren.
Pas largimit, Anisa ka thyer heshtjen me një reagim në Instagram, ku shprehet se ka qenë ajo që e ka sfiduar Gjestin dhe se i dinte pasojat, por thekson se iu bë një padrejtësi.
“Unë kam qenë ajo që e kam sfiduar Gjestin për të hyrë në tualet, se e kam ditur që është eliminim direkt, por aty ndodhi e kundërta dhe një padrejtësi, sepse nuk është dashur që të jetë kokë me kokë, por eliminim i menjëhershëm”, shkroi Anisa, duke shtuar se ajo e ka fituar Big Brotherin.
“Unë nuk kam mundur të qëndroj brenda më dhe ky ka qenë vendimi im. Big Brother VIP Kosova 3 unë e kam fituar dhe jam shumë krenare për veten e shumë shpejt shihemi me risi që s’i keni dëgjuar ende”, përfundoi ajo.
Lini një Përgjigje