FLASH
Shkruar nga Pamfleti
Sean “Diddy” Combs, 55 vjeç, është përballur me dy padi të reja për sulme seksuale, duke shtuar numrin e akuzave kundër tij ndërkohë që mbetet në pritje të gjykimit penal. Njëra nga paditë është ngritur nga një grua e identifikuar si Jane Doe, e cila akuzon Diddyn për përdhunim gjatë një loje bamirësie basketbolli në vitin 1991, ndërsa tjetra është nga LaTroya Grayson, e cila pretendon se u drogua dhe u përdhunua në një nga festat e tij në vitin 2006.
Avokatët e Combs kanë hedhur poshtë këto akuza, duke i quajtur ato si “fiksion i pastër.” Grayson ka pohuar se nuk mban mend detaje të saktë të ngjarjeve, por ndjeu dhimbje dhe trauma pas festës, ndërsa ‘Jane Doe’ pretendon se Combs e përdhunoi dhe e kërcënoi. Grayson kërkon 15 milionë dollarë dëmshpërblim, ndërsa ka paraqitur prova si biletat e avionit dhe të hotelit që i ishin dhënë për të marrë pjesë në festë.
Diddy, i cili më parë është përballur me akuza për trafik seksual dhe dhunë, ka mohuar të gjitha akuzat dhe ka shprehur besim se do të fitojë në procesin gjyqësor. Akuzat e reja shtojnë presionin ndaj tij ndërkohë që problemet ligjore vazhdojnë të rriten.
Lini një Përgjigje