FLASH
Shkruar nga Pamfleti
Elton Tozaj u shpreh në një emision mëngjesi se mes çiftit Klea Huta dhe Elgit Doda ka përfunduar martesa dhe po shkojnë drejt ndarjes. Sipas tij, arsyeja ishte një vajzë nga Lushnja që i ‘ka marrë mendjen’ Gitit. Por çifti i artistëve kanë reaguar duke publikuar foto së bashku, unazën e martesës dhe duke kërcënuar se do të hedhin në gjyq gazetarin për shpifje.
Ishte ky i fundit, i cili ka ‘thyer heshtjen’ me anë të një reagimi në InstaStory, pas dy ditësh spekulimesh intensive në media se ai ishte thirrur në gjykatë nga një çift i njohur i showbizit.
Përballë vëmendjes së madhe mediatike, Elton Tozaj ka reaguar përmes një postimi në InstaStory, duke hedhur poshtë kategorikisht pretendimet për ndonjë padi apo thirrje në gjykatë.
Në postimin e tij të shkurtër, gazetari sqaron:
“Qarkullon një lajm që medemek më kanë hedhur në gjygj një çift që s’e dimë a janë a s’janë çift! Jo vetëm që s’është e vërtetë por ajo çfarë kam thënë në story-n tim është: Fjalët për ju s’i shpikim ne por janë miqtë dhe kolegët tuaj që i japin si info! Kaq e thjeshtë!”
Me këtë reagim, Tozaj jo vetëm që mohon faktin e gjyqit të supozuar, por edhe shfrytëzoi momentin për të sqaruar burimin e thashethemeve.
Ai thekson se informacioni rreth jetës private të personazheve publike nuk është shpikje e mediave, por vjen nga vetë rrethi i ngushtë, pra “miqtë dhe kolegët” e tyre.
Lini një Përgjigje