FLASH
Shkruar nga Pamfleti
Pas takimeve që pati me krerë shtetesh në Bruksel, presidenti serb Aleksandar Vuçiç, pati një ballafaqim me gazetarin kosovar Xhemajl Rexha.
Gazetari Rexha e pyeti për mosnënshkrimin e marrëveshjes, por duket se Vuçiç nuk ishte i interesuar të flasë për këtë temë, teksa u shfaq në siklet.
“Vetëm mos u bëj kaq i zhurmshëm, të lutem. Unë të dëgjova ty mirë, pse je kaq nervoz, unë mund ta imagjinoj pse je kaq nervoz, unë nuk jam i shurdhër, do të prononcohem çfarëdo që kam nevojë të them, mos u shqetëso. Nuk ishte çështja me nënshkru apo mos me nënshkru diçka, ne kaluam rreth kësaj çështje në Ohër, para Ohrit dhe aktualisht çka kemi nënshkruar është procesi i marrëveshjes më 2013 që ta dish dhe ajo u nënshkrua nga dy palët”, i tha Vuçiç i tensionuar.
Pas takimeve në Bruksel ditën e djeshme, nga Qeveria e Kosovës kanë njoftuar se kryeministri Albin Kurti ka shprehur gatishmërinë për të nënshkruar marrëveshjet e Brukselit dhe të Ohrit, duke e përfshirë edhe draftstatutin e Asociacionit të komunave me shumicë serbe të prezantuar javën e shkuar nga diplomatët euroatlantikë.
Por, sipas komunikatës së Qeverisë, nënshkrimi i marrëveshjes është refuzuar nga Serbia. E presidenti i Serbisë, Aleksandar Vuçiq, ka theksuar se “nuk bëhet fjalë për nënshkrim apo mosnënshkrime të ndonjë gjëje”, porse për “zbatimin e asaj që është nënshkruar dikur, apo që është rënë dakord ndërkohë”, duke iu referuar propozimit ndërkombëtar për Asociacionin.
Lini një Përgjigje