FLASH
Shkruar nga Pamfleti
Është vetëdorëzuar në polici, Tush Frroku si i dyshuar për ngjarjen e ndodhur më 7 gusht të këtij viti, ku hyri brenda një lokali plot me klientë dhe qëlloi me armë zjarri një person.
Lajmi është konfirmuar nga zëdhënësi i Prokurorisë në Pejë, Shkodran Nikçi ku pritet që Frroku të merret në pyetje lidhur me ngjarjen.
“Tush Frroku gjendet në rajon policor, i cili do të ndalohet fillimisht me urdhër të prokurorit të shtetit për 48 orë, ndërkaq brenda afatit ligjor prokurori i shtetit do të parashtrojë kërkesën e paraburgimit ndaj tij për veprën “vrasje e rëndë”, deklaroi prokurori.
Kujtojmë se ngjarja e ndodhur brenda lokalit bëri që njerëzit e pranishëm të ngriheshin nga tavolinat, ndërsa autori i dyshuar u largua nga vendngjarja me armën në dorë.
I plagosuri u dërgua në spitalin e Pejës, por nuk i mbijetoi dot plagëve të marra. Sipas policisë së Kosovës, e cila ka publikuar edhe foton e tij Tush Frroku gjatё arratisjes nёn kërcënimin e armës i ka grabitur automjetin një qytetari dhe ёshtё larguar nё drejtim tё Gurrakocit.
Lini një Përgjigje