FLASH
Shkruar nga Pamfleti
Një shpërthim ka ndodhur gjatë mesnatës në afërsi të një pike karburanti në qendër të Zveçanit, komunë e banuar me shumicë serbe në veri të vendit.
“Rreth mesnatës, në afërsi të pompës së benzinës e cila është në qendër të Zveçanit, ka ndodhur një shpërthim”, tha zëvendësdrejtori i Policisë së Kosovës për veriun, Veton Elshani.
Elshani tha se nuk ka të lënduar nga ky shpërthim teksoi shtoi se oficerët kanë shkuar në vendin e ngjarjes.
“Rasti cilësohet si shkaktim i rrezikut të përgjithshëm”, theksoi Elshani
Nuk dihet se çfarë e ka shkaktuar këtë shpërthim, i cili shkaktoi dëme materiale në pikën e karburantit dhe dëmtoi disa automjete të parkuara.
Në momentin e shpërthimit, pika e karburantit ishte e mbyllur. Kjo nuk është ngjarja e parë e ndodhur në Kosovë pasi për hedhjen e lëndëve shpërthyese dhe djegie të automjeteve është raportuar disa herë në këtë rajon.
Kujtojë, kohën e riregjistrimit të makinave me targa ilegale serbe në ato RKS – Republika e Kosovës.
Zveçani, së bashku me Zubin Potokun, Mitrovicën e Veriut dhe Leposaviqin, janë katër komunat me shumicë serbe në veri.
Tensionet në këtë zonë kanë qenë kryesisht të larta në muajt e fundit, për shkak të atyre që qeveria e Kosovës i konsideron si hapa për shtirje të sovranitetit në atë pjesë.
Lini një Përgjigje