FLASH
Shkruar nga Pamfleti
Nënkryetari i Kuvendit të Malit të Zi, Boris Pejoviç, ka reaguar ndaj deklaratës së kryetares së Kuvendit të Serbisë, Ana Bërnabiç, e cila tha se njohja e Kosovës nga Mali i Zi ishte shkelje e të drejtës ndërkombëtare, Kartës së Kombeve të Bashkuara, por edhe respektin themelor ndaj Serbisë.
Pejoviç i bëri thirrje Bërnabiçit që të mos merret me Malin e Zi, në një kohë kur vetë presidenti serb Alkesandër Vuçiç e ka njohur në thelb Kosovën.
“Gjithçka për të cilën po shkruani ka ndodhur në kohën kur pikërisht Maroviç, si nënkryetar i DPS-it në pushtet, ndikonte në politikat shtetërore dhe në vendimmarrje. Me gjasë, ai ju ka obliguar me këtë, prandaj tani e mbroni dhe reagoni në mënyrë kaq të pakontrolluar kur, në kuadër të respektimit të sundimit të ligjit që ju e theksoni, tani kërkohet edhe dorëzimi i tij. Në fund të fundit, Kosovën ua ka njohur në thelb presidenti juaj, merruni me këtë, ndërsa nga ne pushoni pak”, ka shkruar Pejoviç në reagimin e tij.
Lini një Përgjigje