FLASH
Shkruar nga Pamfleti
Presidenti serb, Aleksandar Vuçiç është shprehur se situata në të cilën ndodhet Beogradi nuk është e thjeshtë dhe se ai do të jetë i ekspozuar ndaj presionit të madh në Bruksel, më 27 shkurt.
"E gjithë kjo është një shfaqje në të cilën presioni në fund është mbi ne. Por nuk është hera e parë, as në histori dhe as në 10, 11 vitet e fundit," u tha Vuçiç gazetarëve në Panairin e Turizmit.
I pyetur për të komentuar deklaratën e të dërguarit të BE-së për dialogun me Prishtinën, Miroslav Lajçak, se një listë e kërkesave të paplotësuara nga viti 2013 i është dorëzuar Beogradit dhe Prishtinës, Vuçiç tha se thelbi është gjithmonë Bashkimi i Komunave Serbe. Ai shtoi se nuk do të dorëzohet para presionit politik dhe se nuk do të bëjë kompromise me territorin e Serbisë.
“Ai nuk ma tha këtë, por mendoj se do të marr diçka para të hënës. Ata duan të thonë se sektori i energjisë ende nuk ka përfunduar, por ka problem edhe me licencat për të drejtat e shpërndarjes. Por të gjithë e dinë se thelbi është Bashkimi i Komunave Serbe. Ose do të vazhdoni të zgjidhni çështjen ZSO, ose faleminderit. Dhe kaq. Sa i përket presionit politik ndaj Serbisë, ne duhet të ruajmë paqen, të jemi të gatshëm për kompromise dhe të mos ia japim Serbinë askujt”, tha Vuçiç.
Lini një Përgjigje