FLASH
Shkruar nga Sokol Pepushaj
Gracka ku ranë peshqit, ishte “dredhia” e ambasadores Yuri Kim kur lëshoi në ujërat e drejtësisë një “gur” që krijoi rrathë rreth vetes...
Ideja është e ambasadorit Donald Lu. Atë ditë që hajdutët u bënë ‘peshq’, të parët duhej të pendoheshin pse kanë lindur, të dytët të shkojnë të lumtur drejt ngordhjes.
Ata peshkatarç që gjuanin me dinamit, e dinin se peshku mblidhet edhe rreth një guri që hidhet në ujë, por era e barotit i tërbon sapo fitili lëshon aromën ndjellëse dhe njëkohësisht fatale.
Se sjelljet ekstreme i shijojnë, ambasadori Lu i pagëzoi hajdutët ‘Peshq’.
Mungesa e ndërgjegjësimit, i ndjell krijesat të injorojnë rreziqet e pashmagshme deri në paradoksin që edhe fajet t’i reklamojnë si pafajësi e kulluar.
Secili zyrtar, e ka për nder, fjala vjen, që në pak minuta kalon në xhep fitime, më shumë se rroga e disa viteve të Presidentit Amerikan, potencial i mjaftueshëm edhe për një logjikë minimale, që ata të vetëvriten.
Në fshatin tonë, jo vetëm peshqit, por edhe dhelprat bien në kurth.
Gracka ku ranë peshqit, ishte “dredhia” e ambasadores Yuri Kim kur lëshoi në ujërat e drejtësisë një “gur” që krijoi rrathë rreth vetes.
Kultura e “dijetarëve”, e humbi refleksin, pasi rrugëve të këtij vendi nuk shikon asnjë polic me bilbil në gojë, por bilbila me polic në vrimat e kordave që fërshëllejnë vetëm kur urdhëron Babloku.
Edhe në strukturat e SPAK-ut kështu ka ngjarë.
Kishte garë, cili e hedh gurin më larg në lumin e korrupsionit. Për fat të mirë, fitoi ambasadorja Yuri Kim. Por për fat të keq, “guri” i rëndë Altin Dumani, qëlloi në “xhep” të Bablokut që për çdo sy konsiderohet edhe “dinamit” që ja ka lagur fitilin ish kreu i FBI-së McGonigal.
Përtej artit, ky i trullosi gjallesat, dhe gjithandej flitet se po shpërtheu Babloku, ose “dinamiti” në dorë të amerikanëve, gjithë peshqit dalin mbi ujë e me barkun nga qielli.
Këtë e di gjithë fshati, por peshkatarët ofrojnë këshilla më artistike.
Valëzimet dhe stërkalat që po ngrihen përmbi ujin plot peshq, me ca cironka të kapura, janë eksperienca më e keqe që Babloku po e përtyp si dhia tagjinë, me emocione të forta edhe për fatin e vet.
Thelbi i dukurive është brënda lojës, ku një gur në lum hodhi Yuri Kim e peshqit u mblodhën rreth Edi Ramës./Pamfleti
Lini një Përgjigje