FLASH
Shkruar nga Pamfleti
Deputetët e Partisë Demokratike do të tentojnë edhe njëherë të rikthejnë në grupin parlamentar të PD, ish-kryeministrin Sali Berisha.
Për të shmangur çdo interpretim nga ana e kuvendit, mësohet se Gazment Bardhi do të dërgojë në parlament listën me anëtarët e grupit parlamentar të Partisë Demokratike, përfshi edhe Sali Berishën.
10 ditë më parë Gazment Bardhi i dërgoi Kuvendit vendimin e grupit parlamentar për të anuluar çdo përjashtim dhe për të pranuar si pjesë të grupit çdo deputet që është vetëdeklaruar se i përket partisë demokratike.
Meqenëse lideri i opozitës Sali Berisha ka deklaruar se i përket Partisë Demokratike, opozita mendoi se kjo mjaftonte për ta përfshirë në grupin parlamentar.
Por Kuvendi vazhdoi ta konsiderojë si deputet të pavarur ish-kryeministrin Sali Berisha, duke shpjeguar se në fillim të legjislaturës emri i Berishës nuk ishte përfshirë në grupin parlamentar të PD.
Lini një Përgjigje