FLASH
Shkruar nga Pamfleti
Anëtarja e Kryesisë së PD-së zyrtare Taulanta Jupi, ka folur lidhur me situatën aktuale në politikë. Ajo tha se një pjesë e opozitës po bashkëpunon me kryeministrin Edi Rama.
Jupi theksoi se protesta e djeshme përpara Bashkisë së Tiranës ngjan si një shou, pasi qeveria e Rithemelimi bashkëpunuan për miratime ligjesh dhe për amnistinë penale.
“Ka segmente të opozitës që ditën protestojnë e natën bashkëpunojnë me qeverinë. Pra, një pjesë e opozitës bashkëpunon me Edi Ramën. Në Shqipëri vazhdojnë që të miratohen ligje dhe projektligje, që nuk janë në favor të qytetarëve. Sa i përket kryebashkiakut të Tiranës Erion Veliaj, unë pres që ai të hetohet nga SPAK. Protesta më duket një shou. Me fjalë duket sikur janë kundër Veliajt, por se ndryshe veprojnë. Edhe ligjin e amnistisë e kaluan bashkë, qeveria dhe Rithemelimi”, tha Jupi për “News 24”.
Lini një Përgjigje