FLASH
Shkruar nga PamfletiNë këtë samit është ka edhe një mesazh amerikan që do të përcillet nga Meloni, shkruajnë mediat në Romë, sidomos përmes shtytjes për sanksione të reja ndaj Rusisë dhe angazhimit në formatin “Core Group” ku përfshihet edhe SHBA.
Kryeministrja italiane Giorgia Meloni ndodhet sot në Tiranë për samitin e Komunitetit Politik Evropian, një ngjarje që shërben si mundësi për t’u afruar sërish me bllokun drejtues të BE-së dhe aleatët perëndimorë, pas mungesës së saj në takimin e Kievit dhe përjashtimit nga disa koordinime ndërkombëtare për Ukrainën.
Meloni synon të shfrytëzojë takimet e planifikuara, përfshirë ato me presidentin Zelenskyn, kancelarin gjerman Merz dhe senatorin amerikan Marco Rubio, për të riafirmuar rolin e Italisë si partnere kyçe në arenën ndërkombëtare dhe për të kundërshtuar kritikat e brendshme që e paraqesin si të izoluar, shkruan La Repubblica.
Në Tiranë janë të gjithë, Volodymyr Zelensky, presidentja e Komisionit Evropian Ursula von der Leyen, presidenti francez Emmanuel Macron, kryeministri britanik Keir Starmer, kancelari i ri gjerman Friedrich Merz.
Me nismën franceze, prej ditës së djeshme po punohet për të organizuar një samit brenda samitit në Tiranë, një takim me Zelenskyn duke shfrytëzuar formatin “Core-group Moldova”, në të cilin marrin pjesë përveç Italisë edhe Franca, Gjermania, Polonia, Rumania, BE-ja, SHBA-të dhe Britania e Madhe.
Nëse ky takim do të realizohet, Meloni natyrisht këtë herë ka ndërmend të jetë e pranishme. Edhe sepse liderët, së bashku me Von der Leyen, mund të nisin diskutimet për një paketë të re sanksionesh kundër Rusisë, pas dështimit të bisedimeve në Stamboll, të shtyrë nga Amerika.
Në Tiranë do të jetë i pranishëm edhe presidenti turk Recep Tayyip Erdogan. Për Melonin kjo mund të jetë një mundësi për të zbutur të paktën pjesërisht kritikat e brendshme dhe sulmet e opozitës që prej ditësh e paraqesin si të izoluar dhe pa ndikim.
Në këtë drejtim, Palazzo Chigi (zyra e kryeministres italiane) po organizon një takim dypalësh me kancelarin Merz nesër në Romë, në margjinat e ceremonisë së prezanitmit të Papës së ri. Po punohet gjithashtu për një takim me Zelenskin në kryeqytet. Një tjetër takim dypalësh do të zhvillohet me sekretarin e Shtetit të ish-presidentit Trump, Marco Rubio, në të cilin do të marrë pjesë edhe ministri i Jashtëm, Antonio Tajani.
Në samitin e KPE-së (47 vende nga i gjithë kontinenti, jo vetëm 27 vendet anëtare të BE-së) pritet të diskutohet edhe për shpenzimet ushtarake, në prag të samitit të NATO-s që do të mbahet në fund të qershorit, duke pasur parasysh praninë e sekretarit të përgjithshëm të Aleancës Atlantike, Mark Rutte.
Për momentin, i vetmi takim dypalësh i konfirmuar nga protokolli i Palazzo Chigi këtu në Tiranë është ai me mikpritësin Edi Rama. Në fokus do të jenë çështjet e emigracionit dhe qendrat e kthimit në bregdetin shqiptar, të cilat për një kohë të gjatë kanë qenë bosh dhe që tani po presin migrantët e parë për t’u dëbuar. Palazzo Chigi dje përjashtonte mundësinë e një vizite të kryeministres në këto struktura, por mbetet për t’u parë./ Pamfleti
Lini një Përgjigje