FLASH
Shkruar nga Pamfleti
Deputeti i PD Kreshnik Çollaku, ka folur në lidhje me vendimin e Gjykatës së Apelit që vendosi që vula e PD ti jepet ish-kryeministrit Sali Berisha.
Ai ka deklaruar se ka qenë dhe do të jetë deputet i PD. Çollaku ka folur edhe në lidhje me faktin nëse ka braktisur apo jo Lulzim Bashën pas vendimit të Apelit. Çollaku theksoi se nuk ka lëvizur në asnjë moment nga identiteti i tij politik.
“Isha dhe jam deputet i PD. Me statusin në rrjetet sociale konfirmoja këtë gjë. Komentet dhe kuptimet e keqkuptimeve vërshuan po braktis këtë apo po shkon atje.
Dua të sqaroj se unë nuk kam lëvizur në asnjë moment nga identiteti im politik. Jam student i dhjetorit dhe themelues i PD.
Nuk ka braktisur askënd por kam refuzuar të gjithë ata që më kanë kërkuar që të lë PD-në.
Kam deklaruar se do jem aty ku është sigla e PD.
Duhet paraqitur një projekt bashkimi. E kemi të pamundur fitoren pa bashkuar demokratët dhe pa ndihmën e partnerëve ndërkombëtarë”, tha ai për “News24”.
Lini një Përgjigje