FLASH
Shkruar nga Sokol Pepushaj
Po zonja Christiane Hohmann pse u largua pa asnjë histori?!
Fshatit tonë nuk ia ndjen as për Evropën që gënjen tre herë në vit, as për ambasadorët që shkojnë e vijnë si sulltaneshat e Bablokut në Sarajet e Surrelit.
Ambasadorja e Delegacionit të BE-së në Shqipëri, u largua që në vitin e parë të mandatit tre vjeçar. Meqë iku pa hedhur asnjë hap në rrugën ku krimi i organizuar shtetëror demonstron forcë e arrogancë të frikshme edhe mbi Europën, ç’duam ne?!
Fshati ynë nuk është se ka shumë kërkesa dhe pritshmëri.
Këtej me punët e mëdha merret mafia qeveritare dhe sekserët e diplomacisë. Për ish kryeministrin britanik Tony Blair, nuk ka as BE, as Fe, që e di ç’bën e sa paguhet nga taksat e fshatarëve tanë.
Fshatarëve u mjaftojnë vogësirat; a do mbajë koha për hashashin, do Prendia e nuk i rrëshqet këmba deputetit, kryebashkiakut, policit, prokurorit që të kemi ku të trokasim për t’u mbrojtur nga ndonjë përplasje aksidentale me ligjin.
Fërkimi me fenomenet është i butë.
Edhe lagimi i ambasadores së BE-së, përkon me dy ngjarje të bukura, njëra diplomatiko- romantike, tjetra romantiko- diplomatike.
1-Përfundimi i mandatit të ambasadores Yuri Kim shkoi sipas planit të Sulltaneshë Olta Xhaçkës. Iku siç tha Olta, por u ngrit në detyrë se e la mirë me të gjithë.
2-Martesa e Luigji Sorecës në moshën 58 vjeçare, i lumturoi të gjithë shqiptarët që diplomati më në fund u bë familjar.
Soreca kishte emër në Shqipëri.
Erdhi si Gjigandi i antimafies, por fshatatët nuk e deshën ashtu. E vizatuan dhe fiksuan si bandill çapkën i historive rozë. Këtej i kanë xhan don zhuanët që nuk bëjnë hapa pas as në pendesë as me pengesë.
Kanë sakrifikuar pushtet e pasuri ministra, politikanë e pushtetarë, prandaj nuk bëri figurë të keqe ambasadori i BE-së me “Urdhër Mbrojtjeje”. Edhe këto ditë që vjen një ish tjetër i madh, ka plas gallata në fshat.
Babloku, i tmerruar nga hetimi i dosjes kriminale McGonigal, fshihet pas fotografisë së një ish Presidenti amerikan dhe shet p*rdhë nëpër fshat; e dini kush është ky, dhe për kë vjen?!
Fshatarët nuk i hapin sytë andej. Kanë hallet e veta me Safetët e tyre e nuk u plas fare, kush është miku i madh, ish- i Bablokut, apo, a do ta takojë me Safet burrninë e Shukriun që pasi arnoi mbathjet me pe burgu, sot mbledh vota antiamerikane për partinë e hajdutëve.
Po zonja Christiane Hohmann pse u largua pa asnjë histori?!
Ky është lajmi që fshatarët e lajnë dhe e thajnë në logjikën e tyre.
Nuk ua ndjen as për Evropën që gënjen tre herë në dy fjalë, as për ambasadorët që shkojnë e vijnë si sulltaneshat e Bablokut në Sarajet e Surrelit.
Fshatarët tanë e kanë mendjen hu.
Votojnë non-gratat, orientohen nga Saliu, Iliri, Babloku, Vangjushi, Qifoja, Sukriu, Safeti e kompani, pastaj mbjedhin një rresht misër e një hashash e ju duket Kukësi si Londra, Gjiri i Lalzit si Brukseli, Surreli më madhështor se Manhattani, e mbi të tëra, janë krenar se Mafia jonë i “ha” ambasadorët e BE-së me një kafshatë!/Pamfleti
Lini një Përgjigje