
Kryetari i Nismës Thurje, Endri Shabani i ka bërë thirrje Prokurorisë së Posaçme (SPAK) që të konfiskojë pasurinë e kreut të PL-së, Ilir Meta, kryeministrit Rama dhe ish-kryeministrit Berisha.
I ftuar në emisionin “Now” në “Euronews Albania”, Shabani tha se vetëm kështu mund të rifitohet besimi te drejtësia dhe çlirohet shoqëria. Sipas tij nëse goditen këta të tre, bëhet më i thjeshtë dërgimi para drejtësisë i atyre që kanë vjedhur prej 32 vitesh.
“Këtu duhet arrestuar, duhet hetuar krerët e këtyre tre çetave. I duhen konfiskuar pasuria që na kanë vjedhur. Kollaj është, te Gjiri i Lalzit i ke apo nga kodrat e Tiranës. Aty rifiton besimin drejtësia, çlirohet shoqëria dhe pastaj të vazhdojnë të arrestojnë gjithë të tjerët që kanë vjedhur në këto 32 vite”, tha ai.
Lini një Përgjigje