FLASH
Shkruar nga Pamfleti
Deputeti Dashamir Shehi tha se ka firmosur për të 8-ta komisionet parlamentare që ka kërkuar opozita dhe shtoi se beson se disa prej tyre do të ngrihen edhe sipas formatit të kërkuar nga Rama.
Në një intervistë për emisionin “Open” në ‘News 24’, ai tha se pavarësisht së gjithave, aksioni i opozitës duhet të ndryshojë. Sipas tij, duhet të hiqet ideja e bojkotit dhe rrëmujës në Kuvend, për shaka se një gjë e tillë u provua dhe dy vite më parë me Bashën dhe rezultoi shkatërruese për opozitën.
“Ai e kupton që ata janë rrëmujë nga krahu tjetër. Aksioni opozitar e luajti rolin e vet. Të bëhej mediatik dhe të bëhej i ndjeshëm edhe për ndërkombëtarët që Parlamentit po i hiqet e drejta e komisioneve.
Unë i kam firmosur të 8-ta komisionet parlamentare me dëshirën se një pjesë e tyre do të ngrihen. Jam i sigurt se do të aprovohen dhe do të aprovohen edhe nëse i bëjmë sipas formatit të tij. Unë them që kjo lloj forme aksioni e mbylli detyrimin e vet se kështu po punojmë për Ramën. Ne duhet të hyjmë në Parlament dhe të flasim për ato që ka ndërmend të bëjë për PPP-të. Nëse i gjithë aksioni opozitar reduktohet me vu karriget, them se është reduktive për opozitën vetë.
Ne dolëm dy vjet nga Parlamenti dhe dolëm në demonstratë me 20-30 mijë vetë dhe i paguam një çmim asaj që u larguam. Edi Rama bëri ligjet siç i desh vetë. Ne i bëmë një dëm të madh vetes dhe i lamë edhe bashkitë që u përdorën si levë elektorale. Unë gjykoj që ky lloj aksioni ka mbërritur aty ku ka arritur. Duhet gjetur një formulë tjetër për t’u përballë me kundërshtarin”, tha Shehu.
Lini një Përgjigje