FLASH
Shkruar nga Pamfleti
Kryetari i PD-së, Sali Berisha deklaroi sërish sot se zgjedhjet e 11 Majit nuk do të njihen.
Në një deklaratë për mediat nga selia blu kreu demokrat thekson se ajo që ka ndodhur me 11 Maj, është një përmbysje e plotë e parimeve më themelore të zgjedhjeve të lira.
Më tej kryedemokrati tha se kandidatë si Sara Mila dhe Blendi Gonxhja u mbështetën nga banditët.
“Mediat të heqin nga fjalori i tyre zgjedhje dhe të zëvendësojnë me fjalën farsë zgjedhore.
Ajo që ka ndodhur me 11 Maj dhe të gjithë periudhën pararendëse për zgjedhjet është një përmbysje e plotë e parimeve më themelore të zgjedhjeve të lira të cilat kërkojnë që zgjedhësit të shprehin mendimet e tyre lirshëm për përfaqësuesit që zgjedhin. Kontrolli i vullnetit të zgjedhësve ishte i shumëformshëm dhe i përhapur.
Ishte i përhapur nga kërcënimet deri tek revolja në ballë. Si u zgjodhën Sara Mila, Blendi Gonxhja, lista e kandidatëve që u mbështetën nga banditët. Kemi të bëjmë me sharrimin e këtij parimi themelor që zgjedhjet i dëshmon farsë” tha ai.
Lini një Përgjigje