FLASH
Shkruar nga Pamfleti
Festat e Nëntorit kanë qenë një arsye shumë e fortë që shkollat 9-vjeçare të organizojnë koncerte festive në mbarë vendin. Për të treguar dashurinë për vendin e tyre, nxënësit e shkollës ‘Kosova’ organizuan një koncert festiv me rastin e 28–29 Nëntorit.
Zërat e fëmijëve mbushën ambientet e shkollës, nën drejtimin e mësueses Judita Dedi.
Koncerti solli një larmi numrash artistikë: këngë, vjersha, ese dhe valle kushtuar ditëve të rëndësishme të historisë sonë.
Një përshëndetje të veçantë dhuruan edhe talentet më të vegjël, nxënësit e klasave të para dhe të katërta, nën drejtimin e mësuese Majlindës dhe Lifes.
Mësueset e gjuhës Dafjola, Eli dhe Elona u kujdesën për përgatitjen e recituesve të vegjël, që nesër mund t’i shohim në skenat e mëdha, jo vetëm kombëtare.
Nxënësit interpretuan si solo, ashtu edhe në grup, duke përcjellë emocion, ndjenjë dhe përkushtim të vërtetë artistik. Le të jetë ky koncert një kujtim i bukur për të gjithë ata fëmijë që të mos mendojnë kurrë migrimin në të ardhmen, por të bëjnë të pamundurën që kombin e tyre ta bëjnë gjithnjë e më shumë një vend për të jetuar.
Super koncert, atmosfere fantastike! Patriotizem, ndjenja te thella kombetare na percolli kjo dite! Faleminderit te gjitheve!