FLASH
Shkruar nga Pamfleti
Dy persona kanë në pranga pas zbulimit të një laboratori droge dhe dy parcelave me kanabis në Mirditë.
Gjatë kontrolleve në fshatin Shtuf të njësisë administrative Kaçinar, u zbuluan dy parcela me 220 bimë kanabis dhe një ambient i përshtatur posaçërisht për tharjen dhe përgatitjen e drogës për shitje. Në total, autoritetet sekuestruan rreth 33.7 kilogramë
Të arrestuarit janë dy 31-vjeçarët Preng Marku dhe Kristian Pima.
"Operacioni policor, i koduar “Processing”, u finalizua me zbulimin e dy parcelave me bimë narkotike dhe një ambienti të përshtatur për tharjen e tyre, në fshatin Shtuf të njësisë administrative Kaçinar.
Si rezultat i hetimeve me metoda proaktive dhe në bashkëpunim me Sektorin Operacional, u arrit të zbuloheshin:
220 bimë kanabis, të cilat u asgjësuan me djegie (një pjesë u sekuestrua si provë materiale);
Rreth 33.7 kilogramë lëndë e dyshuar narkotike, në proces tharjeje;
Një ambient i përshtatur posaçërisht për tharjen dhe përgatitjen e drogës për shitje.
Policia vuri në pranga:
Preng Marku, 31 vjeç, banues në fshatin Shtuf, kapur në flagrancë në ambientin ku thaheshin bimët narkotike;
Kristian Pima, 31 vjeç, banues në fshatin Arrëz të Mirditës, i njohur më parë për precedent penal në fushën e narkotikëve.
Autoritetet njoftojnë se hetimet vijojnë për identifikimin dhe ndalimin e personave të tjerë të përfshirë në këtë aktivitet kriminal.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme ligjore", njofton policia.
Lini një Përgjigje