FLASH
Shkruar nga Pamfleti
Ngjarja e rëndë ndodhi në Salari të Tepelenës, ndërsa viktima është një biznesmen italian 44-vjeç.
Një biznesmen italian është gjetur i vrarë me armë zjarri në fshatin Salari të Tepelenës.
Sipas policisë, ngjarja ka ndodhur në vendin e quajtur Dilan mes Nivicës dhe Salarisë pak pas mesnatës.
Mësohet se një person ka shtënë me automatik teksa është shkëmbyer me automjetin që udhëtonte 44-vjeçari italian. Në fillim ka qëlluar në drejtim te gomave dhe më pas në drejtim të tij duke e lënë të vdekur. Shtetasi italian ka qenë në një automjet që vinte nga drejtimi verior në aksin rura Nivicë-Salari.
Biznesmeni rezulton pronar i një fabrike tullash në kryeqytet.
Policia ka ngritur postblloqe në hyrje-dalje të Tepelenës dhe po heton për kapjen e autorit/ve.
"Rreth orës 00:30, në fshatin Salari, në vendin e quajtur “Dilan”, në rrugë është gjetur pa shenja jete shtetasi italian E. S., 44 vjeç, banues në Tiranë, i cili dyshohet se është vrarë me armë zjarri.
Shërbimet e Policisë, me marrjen e njoftimit, shkuan menjëherë në vendin e ngjarjes.
Është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve. Ndërkohë, shërbimet e Policisë, në bashkëpunim me Drejtorinë Vendore të Policisë Fier dhe Vlorë, po ushtrojnë kontrolle në zonë dhe ambiente të ndryshme, për kapjen e autorit/ëve", njofton policia.
Jeta e pa sigurte ne kete mender Vende
Te pa bese , dalin neper shtigje. Yt muter nuk beheni njerez