FLASH
Shkruar nga Pamfleti
Është identifikuar autori i dyshuar i vrasjes së Hekuran Cumanit në Itali.
23-vjeçari humbi jetën pasi u godit me thikë gjatë një sherri përpara një prej lokaleve të jetës së natës në Perugia, në zonën universitare.
Ishin miqtë e shqiptarit të cilët dhanë informacione specifike, ku dëshmitarët e pranishëm i konfirmuan ato.
Sipas hetimeve, autori dyshohet të jetë një i ri me origjinë nga Afrika e Veriut, i cili, me grupin e miqve të tij, e nisi përleshjen fillimisht brenda dhe më pas jashtë pub-it.
Si ndodhi krimi?
Hekuran Cumani, së bashku me vëllain Samuel dhe disa miq të tjerë, ishte nisur nga Fabriano, në rajonin e Markes, siç ndodhte shpesh, për të kaluar mbrëmjen në Perugia. Dy grupet, gjithsej rreth njëzet persona, u përleshën fillimisht brenda në bar për çështje të parëndësishme, një shikim ose një fjalë tepër pastaj jashtë, rinisën një debat që dukej se ishte shuar, rreth orës 4 të mëngjesit, pasi festa kishte mbaruar.
Pikërisht aty dolën në pah dy thikat, një më e madhe dhe një më e vogël, sipas dëshmitarëve në duart e të njëjtit djalë, një i ri tunizian, i cili fillimisht e ka plagosur lehtë Samuelin dhe më pas iu vërsul Hekuran Cumanit, duke e goditur me një thikë në kraharor, goditje që i rezultoi fatale.
Vrasësi mund të ketë mbërritur në një moment të dytë ose t’i ketë marrë thikat nga një makinë, pasi në hyrje të lokalit kalohen nëpër një detektor metalesh dhe për këtë arsye brenda nuk dukej të kishte armë. Nga thika, megjithatë, nuk ka asnjë gjurmë. Gjatë arratisjes, vrasësi dhe grupi i tij e kanë marrë me vete.
Lini një Përgjigje