FLASH
Shkruar nga Pamfleti
Një 30-vjeçar është arrestuar nga Policia e Tiranës, pasi vidhte monopatina. Policia ka konstatuar 12 vjedhje të monopatinave, të kryera në zona të ndryshme të Tiranës e si pasojë janë proceduar penalisht 2 persona të tjerë.
30-vjeçari të arrestuar me inicialet F.D, gjatë kontrollit fizik i është gjetur edhe kokainë. Ai dyshohet si autori i 11 vjedhjeve të monopatinave.
“Komisariati i Policisë Nr. 2, në vijim të punës për goditjen e paligjshmërive në fushën e vjedhjes së pasurisë, organizoi dhe finalizoi operacionin policor të koduar “Monopati 2”. Dokumentohen me prova ligjore 12 vjedhje të kryera në zona të ndryshme të Tiranës. Gjatë operacionit u arrestua shtetasi F. D. (B.)., 30 vjeç, dhe u proceduan në gjendje të lirë shtetasit A. K., 20 vjeç, dhe J. F., 19 vjeç, të tre banues në Tiranë.
Shtetasi F. D., është kapur në flagrancë duke vjedhur një monopatinë, në rrugën “Perlat Rexhepi”, dhe gjatë kontrollit fizik shërbimet e Policisë, i gjetën dhe sekuestruan sasi lënde narkotike kokainë. Nga hetimet e kryera dyshohet se ky shtetas është autor i 11 vjedhjeve të monopatinave, të kryera gjatë periudhës mars-maj 2024, ndërsa shtetasit A. K., dhe J. F., kanë përvetësuar monopatinat e vjedhura.
Në vijim të veprimeve, gjatë kontrollit të banesës së shtetasit F. D., shërbimet e Policisë gjetën dhe sekuestruan, në cilësinë e provës materiale, dy monopatina të dyshuara të vjedhura”, njofton policia.
Lini një Përgjigje